Philosophia Botanica | Varietates | 310

310. Varietates levissimas non curat Botanicus (7).

Anthophili, nimia industria & assidua inspectione, in corollis florum ea miracula observarunt, quae inexercitatus oculus nequit perspicere; Objectum horum sunt flores pulcherrimi Tulipae, Hyacinthi, Pulsatillae, Ranunculi, Dianthi, Primulae; Occultas varietates harum nominarunt vocabulis stuporem excitantibus; hi propriam scientiam florum colunt, adeptis solis manifestam; castra itaque eorum nullus sanus Botanicus intret.

Phoebus	Triumphus Florae.
Apollo	Pompa Florae.
Astraea	Splendor Asiae.
Daedalus	Corona Europae.
Cupido	Gemma Hollandiae.
Aurora	Sponsa Amstelodami.
Gratiosa
Pretiosa
	Alexander Magnus.
	Carolus Duodecimus.
	Julius Caesar.
	Imperator Augustus.
	Tartar Cham.

Hortulanorum vulgus Pomiferis & Drupiferis nomina varietatum imposuere, nec definita nec deficienda & numero paene infinita.

Poma	Paradisaea
	Prasomila
	Rubelliana
	Borstorphiana
	Appiana
	Melimela
Pyra	Falerna
	Favonia
	Boni Christiani
	Crustamina
	Picena
	Libraria.

Fungorum ordo in opprobrium artis etiamnum Chaos est, nescientibus Botanicis in his, quid Species, quid Varietas sit.